თბილისი (GBC) - საერთაშორისო სავალუტო ფონდი საპენსიო შენატანების დროებით შეჩერების წინააღმდეგია. ფონდში ამბობენ, რომ მსგავსი ვალდებულებები არ უნდა შეჩერდეს. 

„საერთაშორისო სავალუტო ფონდი ყოველთვის მხარს უჭერდა საპენსიო რეფორმას. ჩვენ ახლა დროებითი შოკის წინაშე ვართ. თქვენ არ უნდა მოხსნათ ყველა ვალდებულება, რომელიც ეკონომიკურ მოდელს ქმნის ქვეყანაში. რა თქმა უნდა ეს ეკონომიკური შოკი საკმაოდ ძლიერია, თუმცა არ ვეთანხმებით მსგავსი ვალდებულებების შეჩერებას.

გვესმის რომ ბიზნესი რთულ სიტუაციაში მაგრამ  შოკი დროებითია და წლის ბოლოდან სიტუაციის გაუმჯობესებას ველით. ამასთან თუკი დამსაქმებელი ხელფასს ვერ გადაიხდის მას არც საპენსიო შენატანის გაკეთება მოუწევს. ეს კი რაღაც  კუთხით  ბიზნესს დაეხმარება და შეუმცირებს დამატებით ზეწოლას ლიკვიდობაზე“, - ამბობს მერსედეს ვერა მარტინი „ფორმულასთან“ საუბარში. 

16 აპრილის მონაცემებით საპენსიო ფონდის მოცულობა 703.6 მლნ ლარს შეადგენს.  საპენსიო სააგენტოს მიერ სებ-ში გახსნილ ანგარიშებზე განთავსებულია 34.7 მლნ ლარს შეადგენს.