თბილისი (GBC) - კონკურენციის სააგენტომ სიგარეტის ბაზრის მონიტორინგი დაასრულა (ფილტრიანი და უფილტრო,  2013-2017 წლების პერიოდი). დადგინდა იდენტიფიცირებული შესაბამისი ბაზრის თავსებადობა კონკურენტულ გარემოსთან.

ანგარიშში ვკითხულობთ, რომ აქციზური განაკვეთის ზრდის პარალელურად, 2017 წელს 2016 წელთან შედარებით, უფილტრო სიგარეტების რეალიზება გაიზარდა 24 მილიონიდან, 51 მილიონ კოლოფამდე. 

2013 წელს ბაზრის  10 მა ოპერატორმა 511 მილიონი კოლოფი გაყიდა, 816.9 მლნ ლარის.

2017 წელს  - 13-ის კომპანიის 367 მილიონი კოლოფია ნავაჭრი,1,1 მლრდ ლარის ღირებულების.

ბაზარზე ძირითად კონკურენტებს წარმოადგენდნენ შპს „ელიზი ჯგუფი“, შპს „ფილიპ მორის საქართველო“ და „ბ.ა.ტ. ჯორჯია ლიმიტედის საქართველოს წარმომადგენლობა“. 

„2013-2017 წლების ბაზრის ტენდენციების ფორმირებაში ერთ-ერთ ყველაზე მნიშვნელოვანია აქციზის გადასახადის ეტაპობრივი ზრდ, რაც გამოიხატებოდა ფასებისა და შესაბამისად მოთხოვნის ცვლილებაში. ამასთან, აქციზის ცვლა მნიშვნელოვან გავლენას ახდენდა სიგარეტის საერთო რეალიზებაში კომპანიების საბაზრო წილებზე. 2015-2017 წლებში ის არ გამოირჩეოდა ოლიგოპოლიური ბაზრისთვის დამახასიათებელი თვისებებით. 3 ყველაზე მსხვილი კომპანიიდან არცერთია დომინანტური მდგომარეობა", - აღნიშნულია სააგენტოს ანგარიშში.