თბილისი (GBC) - საყოველთაო კარანტინის პირობებში საქართველოს პორტები მუშაობას შეუფერხებლად, გამკაცრებული წესებით მუშაობენ.

ნავსადგურებში შემომსვლელი გემები სკრინინგს გადიან.

საზღვაო ტრანსპორტის სააგენტოს ცნობით, პორტებში შესვლა დაიშვება მხოლოდ თერმოსკრინინგის გავლის შემდეგ; საჭიროების შემთხვევაში დეზინფექცია უტარდება ტვირთს და ავტოსატრანსპორტო საშუალებას; საზღვრის კვეთა ეზღუდებათ უცხო ქვეყნის მოქალაქეებს; ხმელეთთან კავშირი ეზღუდებათ და თერმოსკრინინგს ექვემდებარებიან გემზე მყოფი პირები, თუ გემი, მისი ეკიპაჟის წევრი(ები) ან მგზავრები ბოლო 21 დღის განმავლობაში იმყოფებოდნენ მაღალი რისკის ქვეყნებში; ყველა გემმა მინიმუმ 24 საათით ადრე უნდა წარადგინოს ჯანმრთელობის დეკლარაცია, სადაც გემის კაპიტანი დაწვრილებით აღწერს გემის ეკიპაჟის და მგზავრების ჯანმრთელობის მდგომარეობას.