თბილისი (GBC) - საქართველოს ეკონომიკამ თებერვალში ტურიზმის პოტენციური შემოსავლის 3-9% უკვე დაკარგა, - ასეთია ISET-ის მიერ მომზადებული კვლევის შედეგი.

კვლევითი ინსტიტუტი წერს, რომ ვინაიდან ქვეყნის მშპ-ის 6% ტურიზმის სექტორზე მოდის, პირდაპირი დარტყმა ამ ინდუსტრიაზე სერიოზულ ზიანს მიაყენებს ქვეყნის ეკონომიკასაც.

ორგანიზაცია 3 სცენარს მიმოიხილავს.

1)პირველი სცენარით, საერთაშორისო, გამყვანი და შიდა ტურიზმი თუკი სრულად შეჩერებული იქნება მარტი-აპრილის პერიოდში ქვეყნის შემოსავალი 514 მლნ დოლარით შემცირდება. ეს კი მშპ-ზე 0.8% -ით აისახება.

2) -თუ ტურიზმი სრულად იქნება შეჩერებული ივლისის ჩათვლით, ეს შემოსავალს 969 მლნ დოლარს დააკლებს, მშპ-ს კი 1.8%-ს.

3) სცენარით, დეკემბრამდე ტურიზმის სრულად შეჩერების შემთხვევაში ქვეყანა 2 მლრდ დოლარზე მეტის შემოსავალს დაკარგავს, ხოლო მშპ-ზე 5.3%-იანი შემცირებით აისახება