თბილისი (GBC) - ბრიტანული ფუნტი ამერიკული დოლარის მიმართ ბოლო 35 წლის განმავლობაში ყველაზე მეტად გაუფასურებულია. კერძოდ, ამჯერად ფუნტი $1.15-ზე ივაჭრება, რაც 1985 წლის შემდეგ ყველაზე სუსტი მაჩვენებელია. 18 მარტს ფუნტი დოლარის მიმართ დამატებით 5%-ით გაუფასურდა. მიზეზი მსოფლიოში კორონავირუსით გამოწვეული გაურკვევლობაა. ბრიტანული ფუნტის კურსი ეცემა ევროს მიმართაც. კერძოდ, ის ახლა ბოლო 11 წლის მინიმუმზეა, ყველაზე ცუდ მაჩვენებელზე მსოფლიო ფინანსური კრიზისის შემდეგ. კორონავირუსით გამოწვეული შოკის გასანეიტრალებლად ევრობანკმა უკვე წარადგინა სტიმულირების გეგმა. კერძოდ, ECB გეგმავს, რომ ამ გეგმის შესასრულებლად 750 მილიარდი ევრო გამოყოს. თანხა ვირუსით ფინანსურად დაზარალებული კომპანიების გაჯანსაღებას მოხმარდება.