თბილისი (GBC) - დაავადებათა კონტროლის  ცენტრი კერძო ლაბორატორიებს მოუწოდებს ნუ ისარგებლებენ მდგომარეობით და  კორონავურსზე ტესტირებას მოქალაქეებს ნუ ჩაუტარებენ, რადგან საზოგადოებრივი ჯანდაცვის საფრთხეა და სავალდებულო წესების დაცვას საჭიროებს, რაც მხოლოდ დატრენინგებულ მედპერსონალს ხელეწიფება. ტესტი PCR ტექნოლოგიაზეა დაფუძნებული. "კომერციალიზაცია სამარცხვინოა"

ცენტრის ხელმძღვანელის ამირან გამყრელიძის განცხადებით, ის გრიპის კვლევის ტესტისგან განსხვავებულია და მოსახლეობასაც მოუწოდა კვლევაზე უარი თქვან. ყველამ დაიცვას პირადი და საზოგადოებრივი ჰიგიენა.  თავშეყრის ადგილებში მოითხოვონ სანიტაიზერები, ხელის დასამუშავებლად. თავი შეიკაონ მაღალი რისკის ქვეყნებში (სამხრეთ კორეა, ჩინეთი, იტალია ირანი) ვიზიტისგან. 

მისივე ინფორმაციით პარასკევს ახალი წესები გაცხადდება, მათ შორის ზღვრული ტემპერატურის. ასევე მუშაობენ ახალ საკარანტინე სივრცეების მოწყობაზე, რომ მოქალაქეების  რეგიონიდან  შორ მანძილზე გადაყვანა არ მოუწიოთ.