თბილისი (GBC) - Georgia Capital-ის აღმასრულებელი კაპიტალის საკომპენსაციო მინდობილმა კომპანიამ Sanne Fidiciary Services Limited-მა, ბროკერის შუამავლობით CGEO-ს 48,424 ჩვეულებრივი აქცია შეიძინა, თითოეულის ნომინალური ღირებულება £0.01. აქედან 43,200 აქცია £8.14-ად, ხოლო 5,224 - ი £8.05-ად (ვაჭრობა 31 იანვარს შედგა). ტრასტს აქციები მისი ბენეფიციარების ჯილდოებისთვის უჭირავს.

 პოტენციურ ბენეფიციარებს შორის აღმასრულებელი დირექტორი და ჯგუფის მენეჯერული პასუხისმგებლობის მქონე პირები არიან.

აღნიშნული ტრანზაქციის შემდეგ ტრასტი 3,879,302 აქციას იკავებს, რაც დაახლოებით CGEO-ს მიერ გამოშვებული ჩვეულებრივი აქციების კაპიტალის 9.66%-ია. აქედან არსებული ჯილდოებისთვის 1,399,983-ია გამოყოფილი.