თბილისი (GBC) - ევროკავშირის პალატა (EuCham ) ბიზნესისთვის საუკეთესო ქვეყნების სიას ყოველწლიურად აქვეყნებს. საინვესტიციო მიმზიდველობით საუკეთესო ქვეყნების გამოსავლენად კვლევაში მსოფლიო ბანკის ბიზნესის კეთებისა და საერთაშორისო გამჭვირვალობის კორუფციის აღქმის ინდექსებია გამოყენებული.

საქართველოს პოზიცია რეიტინგში 2 საფეხურით გაუარესდა და მე-18-ე ადგილი დაიკავა, 100 სარეიტინგო ქულიდან 70 ქულით. წინა წელთან შედარებით, გაუარესდა საქართველოს სარეიტინგო ქულაც.

რეიტინგის შესადგენად EuCham  46 ქვეყანას აფასებს. საუკეთესო ქვეყნად ბიზნესის საკეთებლად კი დანია სახელდება.

წლევანდელ რეიტინგში საკუთარი პოზიცია ყველაზე მეტად სომხეთმა გაიუმჯობესა, კერძოდ კი 6 საფეხურით. მიუხედავად ამისა, სიაში სომხეთი 33-ე ადგილზეა.