თბილისი (GBC) - თუ ნომინალური მშპ-ს ზრდის ტემპს წლიურად ამერიკულ დოლარში დავიანგარიშებთ, ზრდის მაგივრად აუცილებლად შემცირებას მივიღებთ, - წერს საკუტარ ფეისბუქ გვერდზე ფადი ასლი და მიზეზად ლარის გაუფასურებას ასახელებს.

“ეკონომიკაში, რომლის 60% იმპორტზეა დამოკიდებული, როდესაც ეროვნული ვალუტა უფასურდება, მათემატიკურად ნომინალური მშპ იზრდება ადგილობრივ ვალუტაში“, - წერს ასლი და აღნიშნავს, რომ ლარში დათვლილი ეკონომიკური ზრდა მნიშვნელოვანი არაა.

შეგახსენებთ, რომ წინასწარი შეფასებით, 2019 წლის დეკემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 3.8% შეადგინა, 2019 წლის საშუალო რეალური ზრდა 5.2%-ით განისაზღვრა.