თბილისი (GBC) - თიბისი ლიზინგის გენერალური დირექტორი ბაზარზე თიბისი ლიზინგის უპირობა ლიდერობაზე აცხადებს.

გაგა გოგუა ამბობს, რომ 2019 წელი ზოგადად სალიზინგო სექტორისთვის ძალიან წარმატებული და ნაყოფიერი გამოდგა, სექტორი 32% -ით გაიზარდა.

თიბისი ლიზინგის წლის ჯამურმა დაბანდებამ 81 მლნ დოლარი შეადგინა და წინა წელთან შედარებით 30%-ით გაიზარდა.

"2020 წელიც ასეთივე წარმატებით დაიწყო და ქვეყნის ეკონომიკის განვითარებისთვის მნიშვნელოვანი, მორიგი ინვესტიცია  მოვიზიდეთ ნიდერლანდების განვითარების საფინანსო კომპანიისგან.  ბოლო სამი წლის მანძილზე, თიბისი ლიზინგმა საერთაშორისო ფინანსური ინსტიტუტებიდან 100 მლნ-მდე დოლარის სახსრები მოიზიდა. აქტიურად გავაგრძელებთ საერთაშორისო დონორებთან ურთიერთობას, რაც ჩვენი ქვეყნის ბიზნეს გარემოს საგრძნობლად გააუმჯობესებს,“ - განაცხადა თიბისი ლიზინგის გენერალურმა დირექტორმა გაგა გოგუამ.