თბილისი (GBC) - APM  Terminals-ს ეკონომიკის სამინისტროსთვის ახალი ნებართვის მისაღებად ჯერ არ მიუმართავს.

ეკონომიკის მინისტრი ამბობს, რომ მიმართვის შემდეგ ჩამოყალიბდება  პროექტის მიმართ დამოკიდებულება, რამდენად იქნება დაცული პროცედურები და საერთოდ, რას წარმოადგენს პროექტი.

„მათი სურვილი ცნობილია, რომ განახორციელონ ახალი პორტის პროექტი იქვე, მოქმედი პორტის მიმდებარედ, ანუ პროექტი იქნება ფოთის პორტის გაფართოების და გაღრმავების, თავის დროზე მათ შემოტანილიც ჰქონდათ პროექტი სანებართვო, თუმცა, იმ ეტაპზე იყო გარკვეული ტექნიკური ხარვეზები და მაშინ პროექტი ჩვენი მხრიდან მიზანშეწონილად არ იქნა მიღებული, ხოლო ახლა ჯერჯერობით რაიმე ოფიციალური მომართვა არ ყოფილა“, - აღნიშნა თურნავამ.

შეგახსენებთ, APM  Terminals-ს მზადაა ფოთის პორტის გაფართოების პირველ ფაზაში 250 მილიონი დოლარის ინვესტიცია ჩადოს.