თბილისი (GBC) - ეროვნული ბანკი მერიის ნებართვას ელის ახალი სათაო ოფისის მშენებლობის დასაწყებად.

სებ-ის პრეზიდენტის განცხადებით, კონკურსით გამოვლენილმა კომპანიამ GLMV Architecture მერიის ურბანული განვითარების სამსახურს განაშენიანების რეგულირების გეგმის მისაღებად მიმართა და პასუხს ელის.

პროექტი 5 კომპანიამ წარადგინა,  4 ქართულია, 1 - ამერიკული („ქალაქპროექტი“, „არტსტუდიო-პროექტი“; „დეფანი არქიტექტურა“; „ნს სტუდიო“ და GLMV Architecture).

სებ-ი  ძველი ოფისის გაყიდვასაც აპირებს და თანხის დამატებას. $16.4 მლნ-ად, იუსტიციის სახლში,7 წლის წინ ნაყიდი ეროვნული ბანკის (სებ) ოფისის ფასი (უძრავის ქონების გაძვირების გაუთვალისწინებლად)  01/2020-ის მდგომარეობით, 47.5 მლნ ლარია,ძირითადი მატერიალური აქტივის  80% (მიმდინარე ფასებში). 7 წლის წინ იყო  ₾27 მლნ.  ახალი ოფისის მშენებლობის სავარაუდო ბიუჯეტი ₾50 მილიონია.

სებ-ის ბალანსით, მის აქტივებში ძირითადი საშუალებები  59  მლნ-ს შეადგენს, საიდანაც 49 მლნ ლარამდე  საოფისე უძრავი ქონებაა, გადაუფასებლად (თუ სებ-ის ოფისის 7 წლის წინანდელი ფასით ვიხელმძღვანელებთ).

სებ-ი $14 მლრდ-მდე აქტივებს ფლობს, აქედან 11 მლრდ ლარის, უცხოური ვალუტის აქტივებია -$3.8 მლრდ-მდე, რაც  მოიცავს უცხოური ვალუტის წმინდა რეზერვებს, 25% სარეზერვო ნორმით დარეგულირებულ კომერციული ბანკების რეზერვებს,  აქტივების წარმოებულებს ინსტრუმენტების მიხედვით (ფიუჩერსი, ოფციონი...), ფასიან ქაღალდებს, სსფ-სთან დაკავშირებულ აქტივებს.