თბილისი (GBC) - ბათუმში, კახაბრის დასახლებაში მრავალფუნქციურ კომპლექსში სასტუმროების 2 საერთაშორისო ბრენდი იქნება წარმოდგენილი. ბრენდების შემოყვანაზე Ibis Styles-სა და Novotel living-თან კომპანია „ეიერ-მერიდიანსმა“ მოლაპარაკებებს უკვე მიაღწია.

უკვე გაფორმებულია 20 წლიანი ხელშეკრულება Ibis Styles-თან, Novotel living-თან კი გაფორმებულია მემორანდუმის თანახმად, 20 წლიანი ფრანშიზა უახლოეს 3 თვეში გაფორმდება.

სწორედ ეს შეთანხმები გაითვალისწინა აჭარის ფინანსთა და ეკონომიკის სამინისტრომ და „ეიერ-მერიდიანსს“ მშენებლობის დასრულება გადაუვადა, პირგასამტეხლო კი გაუუქმა.

კომპლექსი კახაბრის დასახლებაში მოიცავს 220 ნომრიან სასტუმროს, მინიმუმ 600 აპარტამენტს, სამორინეს, საკონფერენციო დარბაზს, სპორტულ-გამაჯანსაღებელი ცენტრს. 13 000 კვ.მ-ზე მოეწყობა სარეკრეაციო ზონა, ავტოსადგომი, კვების ობიექტები.

პროექტის განხორციელებაში ინვესტორი მინიმუმ 30 მლნ დოლარის ინვესტირებას.

ბათუმში, კახაბრის დასახლებაში 29445 კვმ არასასოფლოსამეურნეო დანიშნულების მიწის ნაკვეთი კომპანია „ეიერ-მერიდიანსმა“ 2,091 მლნ დოლარად 2015 წლის მაისში შეიძინა. აჭარის ფინანსთა და ეკონომიკის სამინისტროსთან მიღწეული შეთანხმებით კომპლექსის მშენებლობა 2022 წლის სექტემბერში დასრულდება.