თბილისი (GBC) - OneWeb-ი  საქართველოში სატელიტური ქსელის მომსახურებისთვის სპეციალური სადგურის მოწყობით, დაინტერესდა, რომლითაც რეგიონს დაფარავს, რაზეც გლობალური კომუნიკაციების სფეროში ერთ-ერთი უმსხვილესი ბრიტანული სტარტაპ კომპანიის  აღმასრულებელმა დირექტორმა ადრიან სტეკელმა  და პრემიერმა დავოსში  თანამშრომლობის შესაძლებლობები განიხილეს. 

აღინიშნა საქართველოს მიმზიდველ  საინვესტიციო გარემოზე, ქვეყნის სტრატეგიულ მდებარეობაზე, რეგიონული ჰაბის შესაძლებლობაზე.

გლობალური სტარტაპი უკვე თანამშრომლობს საქართველოს კერძო სექტორთან,  “სილქნეტთან”. შესაბამისი მემორანდუმი OneWeb-სა და “სილქნეტს” შორის საქართველოს პრემიერ-მინისტრთან შეხვედრის შემდეგ  გაფორმდა.

ბრიტანული კომპანია OneWeb-ის საწყისი კაპიტალი შეადგენს 6 მილიარდ აშშ დოლარს და იგი ოპერირებს ევროპისა და აშშ-ის ბაზრებზე. კომპანია ორიენტირებულია, განახორციელოს სატელიტური ქსელის სწრაფი გაფართოება და შესაბამისი სადგურების მშენებლობა ევროპისა და აზიის სხვადასხვა ქვეყანაში.