თბილისი (GBC) - TBC Research-ი 2020 წელს მონეტარული პოლიტიკის განაკვეთის 8%-მდე შემცირებას ელის. როგორც ბანკის ანგარიშშია აღნიშნული, 2020 წელს მოსალოდნელია ლარის გამყარებაც.

ეკონომიკური ზრდის პროგნოზს, TBC Research-ში განმარტავენ, რომ 2020 წელს მშპ-ს ზრდის ტემპი 5%-ის ფარგლებში იქნება, თუმცა გამომდინარე საარჩევნო პერიოდიდან TBC-ის პროგნოზი წლევანდელ ეკონომიკურ ზრდაზე 4.5%-ია.

„ინფლაციის მაჩვენებელი თავის სამიზნე მაჩვენებელს 2020 წლის მეორე ნახევრიდან დაუბრუნდება. გამომდინარე იქიდან, რომ საქართველოს სავაჭრო პარტნიორი ქვეყნების ვალუტები ამერიკული დოლარის მიმართ სტაბილურობას აჩვენებს, ველით რომ ლარის კურსი დაახლოებით 2.75-იან ნიშნულზე იქნება.

ველით, რომ 2020 წელი აქტიური იქნება ინტერვენციების კუთხით. თუკი ლარი გამყარებისკენ წავა, ხოლო ინფლაციის დონე შემცირდება, მოსალოდნელია რომ ეროვნულმა ბანკმა სავალუტო ბაზარზე შესყიდვები განახორციელოს, რათა რეზერვების მოცულობა გაზარდოს“, - წერს TBC.