თბილისი (GBC) - ეკონომიკის სამინისტროში ენერგეტიკის განვითარების ფონდის წლიური ანგარიში განიხილეს. სა და სამომავლო ორგანიზაციის უმთავრეს ამოცანას განახლებადი ენერგიის წყაროების პერსპექტიული პროექტების მოძიება და განვითარების ხელშეწყობაა.

ფონდის დირექტორის გიორგი ჩიქოვანის განცხადებით, ფონდის საქმიანობამ ბოლო წლებში ხელი  შეუწყო ინვესტიციების მოზიდვას საქართველოს ჰიდროენერგეტიკაში. ამასთან აქტიურად მუშაობს, ქარის და მზის ენერგიების მიმართულებით ინვესტირებისთვის. აღნიშნა; ბიომასის და ალტერნატიული ენერგიის, ასევე  სოციალური პროექტებზე ქვეყნის მთიანეთის 24/7 ელექტრომომარაგებაზე.

„ფონდის პორტფელი დივერსიფიცირებულია. კომპანია, ერთი მხრივ, თავადაა პროექტირების ან მშენებლობის ეტაპზე არსებული ენერგოობიექტების თანაინვესტორი, მეორე მხრივ კი ახორციელებს კვლევებს,  არატრადიციული ენერგეტიკული რესურსების გამოყენების შესაძლებლობების აღმოსაჩენად.  წელს საოპერაციო მოგებით ასრულებს, რომელიც კვლავ ენერგეტიკული პოტენციალის გაზრდას და ათვისებას მოხმარდება,“ - განაცხადა ეკონომიკისა და მდგრადი განვითარების მინისტრმა ნათია თურნავამ.

პორტფელი მოიცავს  5 ჰიდროელექტროსადგურის, ქარის 5, მზის 1 და 2 სოციალურ ჰიდრო პროექტს. 2020 წლის პრიორიტეტი განახლებადი ენერგიის წყაროების ათვისებაა. დაგეგმილია ქარის -1 და მზის -2 ელექტროსადგურის სამუშაოები. ფშავ-ხევსურეთის სოფლებში არდოტსა და როშკაში მოგვარდება ენერგომომარაგება. 2020 წელს ფონდი პირველად განახორციელებს ინვესტიციას ბიომასის და სხვა ალტერნატიულ განახლებად პროექტებში.