თბილისი (GBC) - ქობულეთში კიდევ ერთი მაღალი დონის სასტუმრო აშენდება. აჭარის ფინანსთა და ეკონომიკის სამინისტრო ქობულეთში, დ. აღმაშენებლის N379-ის მიმდებარედ 11 235 კვ.მ არასასოფლო-სამეურნეო დანიშნულების მიწის ნაკვეთი 4,585 მლნ ლარად პირობებიან აუქციონზე გამოიტანა. 

ინვესტორმა მინიმუმ 100 ნომრიანი სასტუმრო უნდა ააშენოს, რომელსაც ექნება სპორტულ-გამაჯანსაღებელ ან/და სარეაბილიტაციო ცენტრები. პირობების ითვალისიწნებს რესტორნის, არანაკლებ 60 ავტომანქანაზე გათვლილი ავტოსადგომის და სკვერის მშენებლობას.

აუქციონის პირობები გულისხმობს ხელშეკრულების გაფორმებიდან 48 თვეში მრავალფუნქციური შენობანაგებობ(ებ)ის ექსპლუატაციაში მიღებას, 60 თვეში კი სრული კომპლექსის ამოქმედებას.

ინვესტორის ვალდბეულებაა 60 თვეში მინიმუმ 10 მლნ ლარის ინვესტიციის განხორციელება.