თბილისი (GBC) –„ ქალის და მამაკაცის უფლებები თანაბრად უნდა იყოს დაცული, მაგრამ არა რეგულირების მექანიზმით“ - მიიჩნევს დავით წიკლაური- წარმატებული ბანკირი,  ქალებთან მუშაობის  ხანგრძლივი გამოცდილებით საქართველოს ბანკში, თიბისიში, Deutsche Bank-ში (თანმიმდევრობა მუშაობის პერიოდის მიხედვით).  ასევე საპენსიო სააგენტოში, რომლის საინვესტიციო საბჭოს წარმოადგენს სხვა წევრებთან ერთად, რომელთა შორის არც ერთია ქალი, მაგრამ სამეთვალყურეოში 50/50 ბალანსი დაცულია თურნავა/ტიკარაძე - მაჭავარიანი/რუსო.

მისი სამუშაო ადგილების ჩამონათვალში თანასწორობის პრინციპის დარღვევით არ მოხვდა სალიზინგო კომპანია, რომლის სამჭოს 4 მამაკაცი წარმოადგენს. დავით წიკლაურის თქმით სამეთვალყურეო, დირექტორთა საბჭოში, მმართველობით სხვა ნებისმიერ ორგანოში  გენდერული ბალანსი თვითრეგულირებადია. ბაზარი უკეთ აწესრიგებს, ვიდრე  რეგულირების ნებისმიერი ინსტრუმენტი.

ბანკის სამეთვალყურეო საბჭოში 80/20% ბალანსს სებ-ის კორპორაციული მართვის კოდექსი ითვალისწინებს:

"ბანკმა უნდა უზრუნველყოს სამეთვალყურეო საბჭოს იმგვარად დაკომპლექტება, რომ დაცული იყოს მოსაზრებათა მრავალფეროვნების ბალანსი. აღნიშნული გულისხმობს საბჭოს განსხვავებული უნარჩვევების, კვალიფიკაციის და გამოცდილების მქონე პირებით დაკომპლექტებას. ამასთან, სამეთვალყურეო საბჭოს min -20% (არანაკლებ 1 წევრი) უნდა შედგებოდეს მდედრობითი სქესის წარმომადგენლებისგან",- სებ-ის  კიდევ ერთი რეგულაცია ბანკის აქციონერს ქალების დაქირავებას ავალდებულებს.