თბილისი (GBC) - ნათია თურნავამ ეკონომიკისა და მდგრადი განვითარების მინისტრის მოადგილეობისას  3.5 თვეში თანამდებობრივი სარგო 32 190 ლარი მიიღო.

მინისტრის ქონებრივი დეკლარაციით გამოდის, რომ მინისტრმა ეს ანაზღაურება 3 თვესა და ორი კვირის მუშაობაში აიღო. თვეში  საშუალოდ  ₾9 200. 

თურნავა მოადგილედ  2018 წლის 14 სექტემბრიდან მინისტრად დანიშვნამდე, 2019 წლის 18 აპრილამდე მუშაობდა. დეკლარაციით კი  14.09.2018 - 31.12.2018 მინისტრის მოადგილედ მუშაობისთვის 32 190 ლარი მიიღო. მანამდე თურნავა საპარტნიორო ფონდის აღმასრულებელი დირექტორის მოადგილე იყო. ამ თანამდებობაზე მისი ანაზღაურება 9.5 თვეში 141 750 ლარი იყო  - თვეში საშუალოდ  14 900 ლარი.

თურნავამ ქონებრივი დეკლარაცია 2019 წლის ნოემბრის ბოლოს შეავსო და მასში 2018 წლის მონაცემებია ასახული.