თბილისი (GBC) - "საქართველოს კაპიტალის" სამეთვალყურეო საბჭოს თავმჯდომარე ირაკლი გილაური ლარში გასაცემ სესხებზე 200 000 ლარიანი ზღვრის დაწევას ემხრობა. „საქართველოს ბანკის“ ყოფილი CEO თვლის, რომ აღნიშნულმა შეზღუდვამ მნიშვნელოვანი გავლენა მოახდინა ლარის კურსსა და ინფლაციაზე. 

„ლარის დეპოზიტები არ არის იმდენი საბანკო სექტორში რომ დააფინანსოს ლარის სესხები. შესაბამისად, ეროვნულ ბანკს უწევს ლარის სესხების დაფინანსება. რაც იწვევს ლარის მასის ზრდას და იწვევს დევალვაციას და ინფლაციას. ეს მარტივი ჭეშმარიტებაა. მათემატიკაა მარტივი და შესაბამისად ლარი თუ არ არის ეკონომიკაში რომ გაიცეს 200 000 ლარიანი სესხები, მაშინ ნიშნული უნდა დავაბრუნოთ იქამდე რა მოცულობაც არსებობს. სამწუხაროდ, დეპოზიტების 85% დოლარიზებული გახდა იმის შემდეგ რაც დევალვაცია მოხდა. შესაბამისად მნიშვნელოვანია, რომ ეს ზღვარი დაიწიოს, რომ ეროვნულ ბანკს არ მოუწიოს ამ სესხების დაფინანსება“, - ამბობს გილაური.