თბილისი (GBC) - „საქაერონავიგაციის” კადრი ევროპის სააერნაოსნო უსაფრთხოების ორგანიზაციის 2 მნიშვნელოვან პოზიციას ჩაიბარებს.

113-ე სხდომაზე თეონა ერქომაიშვილი (შემოსავლების აღრიცხვისა და კონტროლის განყოფილების უფროსი)  გაფართოებული კომიტეტის ვიცე-პრეზიდენტის და  ჯგუფის თავმჯდომარის თანამდებობაზე 2 წლით აირჩიეს. კომიტეტი EUROCONTROL-ის აღმასრულებელი ორგანოა.

 „მინდა, დიდი წარმატება ვუსურვო თეონას, იმედი მაქვს, რომ ის გახსნის დიალოგს სააერნაოსნო სერვისის პროვაიდერებისთვის პრობლემურ საკითხებზე  და თავის წვლილს შეიტანს სისტემის  დახვეწაში.  ევროპის საავიაციო ორგანიზაციებში არაერთი თანამშრომელი გვყავს და კარგი რეპუტაციით ვსარგებლობთ.  ახლახანს „საქაერონავიგაციის" ავიასივრცის ორგანიზების განყოფილების ხელმძღვანელი ევგენი თავაძე ICAO-ს ევროპისა და ჩრდილო-ატლანტიკური რეგიონის ოფისის  მუდმივმოქმედი ჯგუფის თავმჯდომარედ 4 წლით აირჩიეს. ასე რომ, ევროპულ ოჯახში ჩვენ ვართ ძალიან კარგი კონტრიბუტორები. ქვეყანას საამაყო ნამდვილად აქვს” – აღნიშნა  გოჩა მეზვრიშვილმა „საქაერონავიგაციის” გენერალური დირექტორი.