თბილისი (GBC) – სებ-ის ფინანსური სტაბილურობის კომიტეტმა(ფსკ) კონტრციკლური ბუფერი კვლავ არ შემოიღო - 0%-ზე, დატოვა. სებ-ის განცხადებით, 2019 წლის დასაწყისიდან სესხების ზრდა, ფიზიკური პირების დაკრედიტების რეგულაციის ამოქმედების შედეგად, მოსალოდნელი ტენდენციით ხასიათდება.

2019 წლის ოქტომბერში სესხების ზრდაა 13,9%, გაცვლითი კურსის ეფექტის გამორიცხვით (08/2019 +14.6%).ესხები/მშპ გრძელვადიან ტრენდს კვლავ აჭარბებს, რაც  გაცვლითი კურსის ეფექტს და საკრედიტო აქტივობას ასახავს.

ფსკ -ს მოლოდინით, არსებული ტენდენციით საკრედიტო ზრდა საშუალოვადიან პერიოდში მდგრად დონეს დაუახლოვდება.

*მოიცავს ბანკის, მისოს სესხებს, ასევე, კომპანიების ადგილობრივ ობლიგაციებს.

** სესხების მშპ-თან ფარდობის გაპი სესხების მშპ-თან ფარდობის სხვაობა, მისი გრძელვადიანი ტრენდიდან.  ტრენდის შესაფასებლად, ბაზელის რეკომენდაციის შესაბამისად, გამოყენებულია HP ფილტრი.

ფინანსური სტაბილურობის ანგარიში განახლებულია, ევროპის სისტემური რისკის კომიტეტის რეკომენდაციებით (ESRB/2013/1).

მაკროპრუდენციული პოლიტიკის 5 შუალედურ მიზანს განსაზღვრავს:

-ჭარბი საკრედიტო ზრდისა და ლევერიჯის შემცირება და თავიდან აცილება.

-ბაზრის არალიკვიდურობისა და ვადიანობის ჭარბი შეუსაბამობის შემცირება და თავიდან აცილება.

-პირდაპირი და არაპირდაპირი პოზიციის კონცენტრაციის შეზღუდვა.

-არასწორი სტიმულების (misaligned incentives) სისტემური ზემოქმედების შეზღუდვა მორალური რისკის (moral hazard) შემცირების მიზნით.

-ფინანსური სისტემის დოლარიზაციის შემცირება.

ფინანსური სტაბილურობის კომიტეტის მორიგი სხდომა 26/02/2020 გაიმართება ((L - 18/09.2019).