თბილისი (GBC) - კომპანია გლენბერი მომავალ წელს აშშ-ში ქართული კენკრის ექსპორტის გასამმაგებას  გეგმავს.

კომპანიამ 100 ტონა ქართული კენკრა აშშ-ში წელს პირველად გაიტანა.

ხილ-ბოსტეულის შემნახველი გლენბერი 2018 წელს ქარელის მუნიციპალიტეტის სოფელ ქვენატკოცაში ერთიანი აგროპროექტის პროგრამის ფინანსური მხარდაწრით გაიხსნა. საწარმოში 5 მლნ ლარია ინვესტირებული, აქედან 600 000 ლარი გრანტია, დანარცენი ბენეფიციარის ინვესტიცია.

სამაცივრე კომპლექსში  წლიურად 1200 ტონა ხილ-ბოსტნეულის შენახვაა შესაძლებელი.

კომპლექსს გადამმუშავებელი ინფრასტრუქტურაც აქვს, სადაც, უნიკალური შოკური გაყინვის მეთოდის გამოყენებით, 24 საათში, 10 ტონა ხილ-ბოსტნეულის გადამუშავებაა შესაძლებელი.

სამაცივრო კომპლექსში მუდმივად 60 ადამიანია დასაქმებული, სეზონურად კი, 140-მდე.

კომპანია მზად არის პირველადი პროდუქცია ადგილობრივი ფერმერებისგან ჩაიბაროს და წარმოება გაზარდოს.