თბილისი (GBC) - შსს-ს ინფორმაციით, მცხეთაში, აქციაზე დაკავებული „ევროპული საქართველოს“ პრესსამსახურის წარმომადგენელი და „ქართული ოცნების“ მხარდამჭერი ხელწერილით გაათავისუფლეს.

მხარეთა დაპირისპირების დროს სამართალდამცველებმა ადმინისტრაციულ სამართალდარღვევათა კოდექსის 166-ე მუხლის საფუძველზე ორი პირი დააკავეს.

პარტია „ევროპული საქართველოს“ პრესსამსახურის წარმომადგენელი თორნიკე დიასამიძე და „ქართული ოცნების“ მხარდამჭერი ალექსანდრე ფირუზაშვილი სამართალდამცველებმა გამოკითხვის შემდეგ ხელწერილით გაათავისუფლეს“, – აღნიშნულია სამინისტროს განცხადებაში.