თბილისი (GBC) - ფინანსთა სამინისტრომ 2-წლიანი ობლიგაციებით  70 მლნ ლარი ისესხა.  ეს იმ 400 მლნ-იდანაა 2019 წლის ბიუჯეტში ცვლილებებით, გათვალისწინებულ 500 მლნ-ს რომ დაემატა. შიდა ვალის გაზრდისთვის.

აუქციონში 4 ბანკი მონაწილეობდა.  ბანკი საკუთარის გარდა სხვა კომპანიების  განაცხადებითაც მონაწილეობს, მათ შორის არარეზიდენტების,  სხვადასხვა პროფილის  (გაზგამანაწილებელი, ენერგოდისტრიბუცია, დეველოპმენტი, საინვესტიცო ...) საფინანსო და არასაფინანსო  კომპანიების. შესაძლოა ბანკის კლიენტი იყოს 1 დილერი, რამდენიმე სხვადასხვა კომპანიის განაცხადით, თუმცა ვინაობა კონფიდენციალურია, აუქციონზე არ მჟღავნდება.

მონაწილეების  მოთხოვნა 124.6 მლნ- ლარზე იყო.  სამთავრობო  ფასიანი ქაღალდები საშუალოდ 9.3%- სარგებლით ივაჭრეს.

ბაზრის მოთამაშეების ცნობით, განაკვეთი  ბაზრისას მიყვება, თუმცა მაინც სტაბილურია, რასაც არარეზიდენტების მხრიდან მაღალი მოთხოვნა განაპირობებს.  სახელმწიფო  ობლიგაციები ნაკლებრისკიანად მიიჩნევა, თავისი ქცევით სასესხოსგან  განსხვავდება, ნაკლებადმგრძნობიარეა და დრამატულად არ იცვლება.