თბილისი (GBC) -  „საპარტნიორო ფონდის“ აღმასრულებელი დირექტორის მოადგილე გიორგი ხელაია ჩინეთის სახალხო რესპუბლიკის ქალაქ გუანჭოუს ვაჭრობის ხელშეწყობის საბჭოს დელეგაციას შეხვდა.  შეხვედრაზე  სავაჭრო-ეკონომიკური ურთიერთობების ხელშემწყობი ღონისძიებების შესახებ ისაუბრეს. აღნიშნეს ქართული პროდუქციის პოტენციალზე, ჩინეთის ბაზარზე და საქართველოს დელეგაცია  გუანჭოუში მიიწვიეს, ორ უმსხვილეს გამოფენაში მონაწილეობისთვის. საკვები პორდუქციის გამოფენაზე, რომელიც 2020 წლის მაისშია და იმპორტირებული საკვები პროდუქციის რეალიზაციისთვის ერთ-ერთ უმსხვილეს პლატფორმად მიიჩნევა.

 ასევე, მომავალ წელს დაგეგმილ საზღვაო აბრეშუმის გზის მასშტაბურ საერთაშორისო გამოფენაზე, რომელშიც შარშან „საპარტნიორო ფონდის“ ორგანიზებით, 20-მდე ქართული კომპანია მონაწილეობდა.

ჩინუი მხარე მზადაა, „საპარტნიორო ფონდისა“ და საქართველოს სავაჭრო-სამრეწველო პალატის შუამდგომლობით, ქართველ მეწარმეებს საუკეთესო პირობები შესთავაზოს და გამოფენაში მონაწილეობის ხარჯები ნაწილობრივ დაფაროს.    

გიორგი ხელაიას თქმითმ  „21-ე საუკუნის საზღვაო აბრეშუმის გზის საერთაშორისო გამოფენა“  „ერთი სარტყელი, ერთი გზა“ ინიციატივაში გაერთიანებულ ქვეყნებს სავაჭრო-ეკონომიკური ურთიერთობების გაღრმავებას უწყობს ხელს.