თბილისი (GBC) - სარკინიგზო - მულტიმოდალური გადაზიდვების განვითარებით, საქართველოს მთავრობის დაინტერესებაზე, ნათია თურნავამ ლი სიაოპენგი ჩააყენა საქმის კურსში. ასევე ტრანსკასპიური საერთაშორისო სატრანსპორტო მარშრუტის - შუა დერეფნის გავლით რეგულარული ბლოკ-მატარებლების ინტენსივობის გაზრდაზე.

შუა სატრანზიტო დერეფნით  2018 წელს კონტეინრების გადაზიდვებმა 1332 TEUS- ს მიაღწია. 2019 წლის 9 თვეშ კი - 1215 TEU -ს. მან დერეფნის პერსპექტიულობაზე განაცხადა, 25.5% -იანი ზრდის არსებული სტატისტიკით. მინისტრის თქმით, სარკინიგზო მიმოსვლა ლიანიუნგანგის პორტიდან სტამბულამდე მნიშვნელოვანი წინგადადგმული ნაბიჯია. აღნიშნა სიანი-პრაღის საპილოტე ბლოკ-მატარებლის ოქტომბრის რეისზე..

სიანის ლოგისტიკური კომპანიები მოწადინებული არიან, ეს მიმართულება რეგულარული გახადონ. თურნავამ კოლეგას შუა დერეფნის პოპულარიზიის აქტივობები გააცნო, მათ  შორის, პირდაპირი საკონტეინერო გემის მიმოსვლის დაწყება უკრაინასთან; მემორანდუმის გაფორმება რუმინეთსა და აზერბაიჯანთან, ბათუმსა და რუმინეთის პორტ კონსტანცას შორის რეგულარული საფიდერო მიმოსვლისთვის;

ბულგარეთთან საბორნე მიმოსვლის სიხშირის გაზრდისთვის მუშაობაზე, შავ ზღვაზე შეუფერხებელი მიმოსვლის უზრუნველყოფისთვის, რაც ევროპულ ბაზარზე წვდომას გაზრდის.

„გვაქვს ამბიცია, შუა დერეფანი ევროპასთან ვაჭრობისთვის ჩინეთის პრიორიტეტულ მარშრუტებში  მოხვდეს,“ - განაცხადა მინისტრმა.

ლი სიაოპენგმა გაიზიარა  კოლეგის შეთავაზება, მუდმივმოქმედ სამუშაო ჯგუფის შექმნაზე.შუა დერეფნის შესაძლებლობების გაზრდისთის.