თბილისი (GBC) – $16.4 მლნ-ად, იუსტიციის სახლში,7 წლის წინ ნაყიდი ეროვნული ბანკის (სებ) ოფისი, 10/2019-ის მდგომარეობით, 59.2 მლნ-ის  ძირითადი მატერიალური აქტივის  83%-ია (მიმდინარე ფასებში)

სებ-ის ბალანსით, სექტემბრის მდგომარეობით,  ლარის აქტივებში ძირითადი საშუალებები  59.2  მლნ-ს შეადგენს, საიდანაც 49 მლნ ლარამდე  საოფისე უძრავი ქონებაა, გადაუფასებლად (თუ სებ-ის ოფისის 7 წლის წინანდელი ფასით ვიხელმძღვანელებთ).

სებ-ი $14 მლრდ-მდე აქტივებს ფლობს, აქედან 10.9 მლნ ლარის უცხოური ვალუტის აქტივებია -$3.8 მლრდ-მდე, რაც  მოიცავს უცხოური ვალუტის წმინდა რეზერვებს, 25% სარეზერვო ნორმით დარეგულირებულ კომერციული ბანკების რეზერვებს,  აქტივების წარმოებულებს ინსტრუმენტების მიხედვით (ფიუჩერსი, ოფციონი...), ფასიან ქაღალდებს, სსფ-სთან დაკავშირებულ აქტივებს.

როგორც იცით სებ-ი 3-4 წელში  ახალ  ოფისში აპირებს გადასვლას, რისთვისაც მიწა შერჩეული აქვს, ჯერ არცერთი თეთრი გადაუხდია.  კუთვნილი ოფისის გაყიდვას 3 წელზე ადრე არ აპირებს, რადგან მოსამზადებელი სამუშაოები შრომატევადია, დიაზინის, ესკიზის მომზადება, ნებართვის აღება.

სებ-ის პრეზიდენტმა, მპკ-ს 23/10-ის სხდომის შემდეგ, მიწის ნაკვეთის გამჭვირვალე გარიგებაზე განაცხადა, უმაღლესი სტანდარტის დაცვით..

„მიწა კანონმდებლობის სრული დაცვით შეირჩა. ნაკვეთის მოძიების მიზნით, სებ-მა მიმართა ეკონომიკის სამინისტროს და თბილისის მერიას. ამ უწყებებისგან ქალაქის ცენტრალურ ნაწილში თავისუფალი მიწის არარსებობაზე მიღებული პასუხის შემდეგ კი, მოვიძიეთ სხვა ალტერნატივა“, – განაცხადა გვენეტაძემ.

სებ-მა  ძველი ოფისი უნდა გაყიდოს და ახლის მშენებლობის თანხას დაამატოს. $16.4 მლნ მაშინ (10/2012)  ₾27 მლნ იყო, დღეს 50 მლნ ლარამდეა. გასათვალისწინებელია უძრავი ქონების  გაძვირების  ტრენდიც.