თბილისი (GBC) - მოცულობითი ინტერვენციისას ლარი მაინც რომ უფასურდება, ბანკების მიერ ვალუტის მარაგების შესავსებად ყიდვაზე მიანიშნებს  და არა კლიენტების მოთხოვნების მიზნობრიობაზე, - რომან გოცირიძე სოციალურ ქსელში $80 მლნ-ის 2 ინტერვენციად შეკრულ  ტექნიკურ ხარვეზზე წერს.

„ბლუმბერგის სისტემაში  ვალუტით ვაჭრობა ხასიათდება გარკვეული ტექნიკური ხარვეზებით (განსაკუთრებით, ჩვენს ვითარებაში, როცა ძირითადად ვაჭრობს 4-5 ბანკი), რაც სწორად ვერ ასახავს ვალუტის გაცვლის კურსის რეალურ მდგომარეობას. საკმარისია  მოთხოვნა მიწოდებას მცირედით აღემატებოდეს, რომ კურსი იწყებს გაუფასურებას. შეიძლება სავალუტო ბირჟაზე ვალუტით ვაჭრობის მოცულობა თვეების განმავლობაში არ იცვლებოდეს, მაგრამ კურსის რყევა საგრძნობი იყოს“,  - მიაჩნია, რომ მცირე ზომებით ვალუტის მიწოდება კი მოემსახურებოდა დღიური დისბალანსის აღმოფხვრას და ბაზრის დაწყნარებას.