თბილისი (GBC) -  რაც ტყიბულში ხდებოდა, არის აბსოლუტურად მიუღებელი, - პრემიერ- მინისტრმა, გიორგი გახარიამ მთავრობის სხდომაზე განაცხადა. პრემიერის თქმით, მიუხედავად იმისა, რომ ტყიბულში პრობლემები წლების განმავლობაში გროვდებოდა, ინვესტორებმა ნაკისრი ვალდებულებები უნდა შეასრულონ.

" ეს ის პრობლემებია, რომელიც დაგროვილია წლების განმავლობაში. ყველა ინვესტორმა და დამსაქმებელმა უნდა გაითვალისწინოს, რომ ის ვალდებულია სრულფასოვნად შეასრულოს როგორც თავისი საფინანსო-სახელფასო ვალდებულებები, ასევე შეუქმნას თითოეულ დასაქმებულს შესაბამისი შრომითი პირობები, რაც რა თქმა უნდა გულისხმობს შრომითი და ტექნიკური უსაფრთხოების ნორმების სრულ დაცვას. კიდევ ერთხელ მინდა ხაზგასმით ავღნიშნო, რომ მიუღებელია რაც დღეს ტყიბულში ხდება. მიუხედავად იმისა, რომ ეს პრობლემები წლების განმავლობაში გროვდებდებოდა, მსგავს შემთხვევებს ჩვენს ქვეყანაში ადგილი არ უნდა ჰქონდეს“, - განაცხადა გიორგი გახარიამ.