თბილისი (GBC) -   ნავთობგიგანტების  შეფასებით, საქართველოში ნახშირწყალბადების მოპოვების დიდი პერსპექტივაა, განსაკუთრებით შავი ზღვის შელფზე - ამის შესახებ ნავთობისა და გაზის სახელმწიფო სააგენტოს უფროსმა  გიორგი ტატიშვილმა „ბიზნესპატნიორში“ განაცხადა.

საქართველოში ნახშირწყალბადების პოტენციალი  მსოფლიოს სამმა უმსხხვილესმა ნავთობკომპანიამ ExxonMobil"-მა, „TOTAL”-მა და “OMV PETROM”-მა შეაფასა, მტკვრის აუზი კი შეისწავლა  ესპანეთის ნავთობისა და გაზის ნავთობკომპანია  REPSOL  მა.  

გიორგი ტატიშვილის ინფორმაციით, გამოიკვეთა, რომ ნახშირწყალბადების მარაგებით საზღვაო ნაწილი საკმაოდ პერსპექტიულია.   გამოიკვეთა ახალი, „ძალიან დიდი და ძალიან პერსპექტიული“ სტურქტურები,  რომელიც ადრე  ცნობილი არ იყო.

სააგენტო გეგმავს, გამოაცხადოს  ღია საერთაშორისო ტენდერები  დარჩენილ სახმელეთო ბლოკებსა და შავი ზღვის შელფზე ძებნა/ძიების სამუშაოებზე. მათ შორის, მომავალი წლის დასაწყისში გამოცხადდება ტენდერი საზღვაო ნაწილში ნავთობისა და გაზის ძებნა/ ძიებაზე.

ExxonMobil"-ის „TOTAL”-ის და “OMV PETROM”-ის კვლევის საბოლოო ვერსია ქართულ  მხარეს ოქტომბერში გადაეცემა.