თბილისი (GBC)  - „სპეკულაციები, ყურძენზე ფასის კლებასთან დაკავშირებით, პოლიტიკური ძალების ან მიზანმიმართულად არასწორად ინფორმირებული მევენახეების მხრიდან მოდის და სრულიად უსაფუძვლოა”, - მინისტრის თქმით სახელმწიფოს ყველა რესურსი მობილიზებული აქვს, მევენახეს ჩაუბარებელი ყურძენი არ დარჩება. სახელმწიფოს მიერ დაქირავებული ქარხნები გახსნილია მთელი კახეთის მასშტაბით.

წელს შარშანდელ მინიმალურ ფასზე ქვემოთ ფასები არ ჩამოსულა. მიკროზონების, ხარისხის, სახეობის მიხედვით ყურძნის ფასი განსხვავებულია. საფერავის მინიმალური ფასი 1.5 ლარია.რაც მაღალია ყველა წინა წელთან, 2018 -ის გარდა, რომელიც გამოირჩეოდა განსაკუთრებულად მაღალი მოთხოვნით და რეკორდული ფასებით.

„მინიმალური სტანდარტი სახელმწიფომ შექმნა იმ არაკონდიციურ ყურძენზე, რომელსაც ჩაბარების პრობლემა ჰქონდა და 70 თეთრი ღირდა. წელს ვითარება ანალოგიურია", - განაცხადა ლევან დავითაშვილმა.