თბილისი (GBC) -მსხვილი ჰოლანდიური გემთმშენებელი კომპანიის DAMEN-ის წარმომადგენლები  გემთსაშენი საწარმოსთვის შერჩეულ ინფრასტრუქტურას ადგილზე შეისწავლიან და თანამშრომლობის ფორმატს შეარჩევენ. DAMEN - ისთვის მომზადებული საინვესტიციო შეთავაზება განიხილეს.

გემთმშენებელ კომპანიასთან პირველი შეხვედრა 2019 წლის იანვარში დავოსის მსოფლიო ეკონომიკური ფორუმის ფარგლებში შედგა.

Damen -ი მსოფლიოში წამყვანი გემთშენებელი კომპანიაა, რომელიც 1927 წლიდან ოპერირებს. კომპანია 33 გემსაშენს მართავს მსოფლიოს 16 ქვეყანაში, რომელთა შორის არის ჰოლანდია, ჩინეთი, საფრანგეთი, დიდ ბრინატი, რუმინეთი. წლის განმავლობაში როგორც სამხედრო, ისე კომერციული დანიშნულების დაახლოებით 180 მცურავ საშუალებას უშვებს. გარდა გემების აშენებისა, წელიწადში 1500-ზე მეტი გემის შეკეთებასაც ახორციელებს. კომპანიის წლიური ბრუნვა 2 მილიარდ ევროზე მეტია.

Damen -ის მიერ აშენებული გემები გამოირჩევა განსაკუთრებული უნიკალური ინოვატორული დიზაინით და კონკურენტუნარიანი ფასებით.