თბილისი (GBC) –„ახალი ელჩი არის ტრამპის ადმინისტრაციის პირველი ელჩი საქართველოში. მივესალმებით მის დანიშვნას. მასთან აქტიურად ვითანამშრომლებთ. გარკვეული პერიოდის განმავლობაში, ვიდრე ელჩი არ იყო, ჩვენი ურთიერთობების გათვალისწინებით ამერიკამ მიიღო გადაწყვეტილება და ელჩის რანგით იყო მოვლენილი საქართველოში დროებითი რწმუნებული",- განაცხადა  საგარეო საქმეტა მინისტრმა ზალკალიანმა.

როგორც იცით, აშშ-ის პრეზიდენტმა დონალდ ტრამპმა საქართველოში სრულუფლებიანი ელჩის პოზიციაზე კელი დენიანის კანდიდატურა წარადგინა. აშშ-ის საზღვაო ძალების პოლიტიკური მრჩეველია ევროპასა და აფრიკაში. მას დიპლომატიურ სამსახურებში 25-წლიანი მუშაობის გამოცდილება აქვს.