თბილისი (GBC) -„სამხრეთ ოსეთის“ დე ფაქტო ხელისუფლება ე.წ. საზღვარს კეტავს. კაგებეს პრესსამსახურის უფროსმა ეკატერინა ბიაზროვამ განაცხადა, რომ 4 სექტემბრის, 20:00 საათიდან გამშვები პუნქტები საქართველოსთან „საზღვარზე“დროებით ჩაიკეტება.

ცოდნის დღისადმი მიძღვნილი საზეიმო ღონისძიებების გამო. პუნქტების მუშაობა ჩვეულ რეჟიმში 6 სექტემბერს, 06:00 საათზე განახლდება.

ამას გარდა ოსი და რუსი „მესაზღვრეები“ სექტემბერში დარღვევების პროფილაქტიკის ღონისძიებებს გეგმავენ, რაც გამშვებ პუნქტებზე ადამიანების და ავტომობილების გამკაცრებულ კონტროლს და „საზღვრის“ მიმდებარე სოფლებში სახლების უფრო ხშირ შემოწმებას გულისხმობს. მოსახლეობას სთხოვენ სახლიდან გასვლისას მუდმივად თან იქონიონ პირადობის დამადასტურებელი დოკუმენტები (unipress.ge)