თბილისი (GBC) - ანტიტერორისტული თანამშრომლობის ფარგლებში, ფინანსური მონიტორინგის  სამსახურმა დიდ ბრიტანეთში,  მამუკა ხაზარაძის და ბადრი ჯაფარიძის ანგარიშების დაყადაღება მოითხოვა, - ამის შესახებ ბიზნესმენებმა საგანგებო ბრიფინგზე განაცხადეს და აღნიშნეს, რომ ფინანსური მონიტორინგის  სამსახური პოლიტიკური დევნის ინსტრუმენტი გახდა და მისი მეშვეობით, დიდ ბრიტანეთში მათი კანონიერი სახსრების ბლოკირება ხდება.

"ჩვენი ფულადი სახსრები, რომელიც შეიძლება იყოს ბრიტანეთში, ეჭვი აქვთ, რომ არის კრიმინალური წარმოშობის. რა თქმა უნდა, ანტიტერორისტული თანამშრომლობის ფარგლებში როდესაც მიმართავს სახელმწიფო უწყება, ცხადია, ბრიტანელი კოლეგები ამას იღებენ სერიოზულად და ვერ წარმოიდგენენ, რომ ეს უწყება ამ შემთხვევაში პოლიტიკური დევნის ინსტრუმენტია", - აღნიშნა ბადრი ჯაფარიძემ. 

თიბისი ჯგუფის დამფუძნებლები ამბობენ, რომ ხელისუფლება ძალიან შეშინებულია, თუმცა მათი ნაბიჯები ვერც ანაკლიის პორტის აშენებას შეაჩერებს და ვერც საზოგადოებრივ მოძრაობას, ან პოლიტიკურ პარტიას.