თბილისი (GBC) - APM Terminals-მა ფოთის საზღვაო ნავსადგურის გაფართოების პროექტის ფარგლებში, გამოცხადდა ტენდერი გარემოზე ზემოქმედების შეფასების ანგარიშის გასაახლებლად.

კომპანიაში აცხადებენ, რომ ნავსადგურის განვითარებისა და სამომავლო ზრდის პერსპექტივის გათვალისწინებით, სს „კორპორაცია ფოთის საზღვაო ნავსადგურმა“ მთავრობას წარუდგინა ნავსადგურის გაფართოების წინასწარი გეგმა, რომელიც ითვალისწინებს 250 მილიონ დოლარზე მეტ ინვესტიციას.

„ფოთის საზღვაო ნავსადგურის გაფართოება გაზრდის საქართველოში წარმოებული ბიზნესების კონკურენტულ უპირატესობას და პირდაპირ ექნება დადებითი გავლენა მომხმარებლებზე. ამასთან, გამოყენებულ იქნება ფოთში არსებული სანავსადგურე ინფრასტრუქტურა და სატრანსპორტო და ლოგისტიკური ბაზები“, - ამბობენ კომპანიაში.