თბილისი (GBC) - ირანელი ბიზნესმენების მიერ საქართველოში დაფუძნებული კომპანია  Georgia Petrochemical and Aviatech  აშშ-მ სასანქციო სიაში შეიყვანა.  

შესაბამისი ჩანაწერი ინდუსტრიის, ვაჭრობისა და უსაფრთხოების ბიურომ ფედერალურ რეგისტრატორში ათობით კომპანია დაარეგისტრირა. ბიურო მიიჩნევს, რომ  მის მიერ გამოვლენილი კომპანიები აშშ-ის სახელმწიფო ინტერესებს ეწინააღმდეგება და ქვეყანას საფრთხეს უქმნის.

Georgia Petrochemical and Aviatech -ი საქართველოში 2008 წლის 13 მარტს არის დარეგისტრირებული. კომპანიის სახელზე საჯარო რეესტრში არც ერთი ამონაწერი არ ფიქსირდება.

დამფუძნებლები არიან ირანელი საიდ ვალადბეიგი (60%),  მოჰამმად რეზა მაზჰარი (20%) და საქართველოს მოქალაქე ელმირა დარბინიანი (20%).

https://www.iranwatch.org -ის ცნობით, საიდ ვალდბეიგი აკონტროლებს გაერთიანებულ საემიროებში ბაზირებულ Super Alloys LLC -ს და Emirates Alloys-ს, ასევე მალაიზიურ კომპანია NBH Industries და საქართველოში დაფუძნებულ Georgia Petrochemical and Aviatech. სწორედ ამ კომპანიების მეშვეობით ვალდბეიგი ახორცილებდა ექსპორტის ოპერაციებს აშშ-დან ირანში.

კერძოდ, ექსპორტი ხდებოდა აშშ-დან საქართველოში, საქართველოდან გაერთიანებულ საამიროებში, იქიდან მალაიზიაში და მალაიზიის გავლით ირანში.

ასევე ხდებოდა სხვადასხვა ქვეყნების (მაგალითად დიდი ბრიტანეთი, ნიდერლანდები, ჩინეთი, ჰოლანდია, სომხეთი და სხვა) გამოყენება, რათა ირანში აკრძალული პროდუქცია შესულიყო.