თბილისი (GBC) – „საქართველოს ინდუსტრიულ ჯგუფს“ (GIG) ახალი გენერალური დირექტორი ჰყავს.

ეს პოსტი ლაშა მიქავამ დაიკავა, რომელიც 2018-2019 წლებში საქართველოს ეკონომიკისა და მდგრადი განვითარების მინისტრის მოადგილის სავარძელს იკავებდა.

ლაშა მიქავა ჰარვარდის ბიზნეს სკოლის- უმაღლესი მართვის პროგრამის (AMP) კურსდამთავრებულია, 2002 – 2004 – ვაშინგტონის უნივერსიტეტის (სეინტ ლუისი, აშშ), ოლინის ბიზნეს სკოლაში სწავლობდა. იყო აშშ-ს სახელმწიფო დეპარტამენტის ედმუნდ მასკის სახელობის პროგრამის სრული სტიპენდიანტი.

იყო TESSA CAPITAL -ის პარტნიორი, ასევე UKRTELECOM - გამგეობის საბჭოს თავმჯდომარე, VEGA TELECOM GROUP - ის გენერალური დირექტორი;

აღსანიშნავია, რომ GIG –ის გენერალური დირექტორის მოვალეობას ზურაბ გელენიძე ასრულებდა, რომელიც კომპანიაში რჩება ფინანსური დირექტორის პოსტზე.