თბილისი  (GBC) - ‘თიბისის გუნდის აქტიური ჩართულობა პროექტის საწყისი ეტაპიდან და მათი დაგროვილი გამოცდილება ტურიზმის მიმართულებით ძალიან სასარგებლო იყო ჩვენი პროექტის წარმატებულად განხორცილებაში. დარწმუნებული ვარ, მომავალშიც კიდევ ბევრ საინტერესო პროექტს გავაკეთებთ ერთად” - Holiday Inn Telavi -ის თანადამფუძნებლის ლევან ერისთავის განცხადებით, სასტუმროს ფრანჩაიზის ხელშეკრულება კომპანია ინტერკონტინენტალ ჰოტელ გრუპს-თან გაფორმდა, რომელიც მსოფლიოს  5,000 ზე მეტ სასტუმროს აერთიანებს.

დაფინანსების სტრუქტურისა და პირობების გაუმჯობესის მიზნით, Holiday inn-ის პროექტი, თიბისი ბანკის მხარდაჭერით ჩაერთო ევროპის რეკონსტრუქციისა და განვითარების ბანკის (EBRD) და აგრეთვე სახელმწიფო „უმასპინძლე საქართველოს“ დაფინანსების პროგრამებში.

ერისთავის განცხადებით, საერთაშორისო ტურისტების ნაკადი კახეთის რეგიონში ყოველწლიურად საგრძნობლად მატულობს, ამასთან ერთად შეინიშენება ადგილობრივების დაინტერესება ამ რეგიონის მიმართ, განსაკუთრებით მაღალ სეზონზე.

“ჩვენი ბიზნეს ჯგუფის და “თიბისი ბანკის” ურთიერთობა დიდი ხნის წინ დაიწყო, იყო ბევრი წარმატება, თუმცა მსგავსი კოლაბორაციული პროექტი პირველია. ზოგადად ბიზნესში ძალიან მნიშვნელოვანია სტაბილურად ძლიერი და სანდო ფინანსური ინსტიტუტის გვერდში დგომა. ჩვენთვის პრიორიტეტია “თიბისი ბანკთან” მუშაობის გაგრძელება მომავალში და დარწმუნებული ვარ მომხარებელს კიდევ უფრო საინტერესო და ეფექტურ პროექტებს შევთავაზებთ”, - აცხადებს ერისთავი.