თბილისი (GBC) - ფინანსთა სამინისტროს საგამოძიებო სამსახურმა ჯგუფური დანაშაული გახსნა. ყალბი საგადასახადო დოკუმენტების დამზადება - გამოყენებისა და უკანონო შემოსავლის ლეგალიზაციის 6 ფაქტი, რაზეც, ბრალდებულად, პასუხისგებაში მიეცა 23 მეწარმე მიეცა. მათგან პატიმრობაშია 17 პირი, ხოლო 6 -ს ბრალდება წარედგინა დაუსწრებლად და გამოცხადდა ძებნა.

ჯგუფი უკანონო შემოსავლის მიღების მიზნით, საქართველოს სხვადასხვა რეგიონში რეგისტრირებული კომპანიების მეშვეობით, უსაქონლო ოპერაციებით ოყო დაკავებული. აყალბებდა დღგ-ს ანგარიშფაქტურებს, საგადასახადო დეკლარაციებში ყალბი მონაცემების შეტანის გზით, იქმნიდნენ ყალბ აქტივს დამატებული ღირებულების გადასახადში. რომელსაც შემდგომში იყენებდნენ იმპორტირებული საქონლის, ძირითადად ნავთობპროდუქტების განბაჟებისათვის განკუთვნილი გადასახადების გადახდისა და მიმდინარე საბიუჯეტო ვალდებულებების დაფარვისათვის.

ყალბად შექმნილი აქტივის ოდენობა 85 000 000 ლარს აღემატება.

მოკვლევა გრძელდება, სხვა კომპანიების გამოვლენისთვის. გამოძიება მიმდინარეობს საქართველოს სისხლის სამართლის კოდექსის 210-ე მუხლის მე-2 და 194-ე მუხლის მე-2. მე-3 ნაწილით, რაც თავისუფლების 9-12 წლის ვადით აღკვეთას ითვალისწინებს.