თბილისი (GBC) – საპენსიო სააგენტოს საინვესტიციო საბჭოს წევრობის 150-მდე მსურველიდან 10, კომპეტენტურმა ჟიურიმ უნდა აარჩიოს და 10-დან 5 პარლამენტმა. კომისიას, ეკონომიკის, ფინანსთა და ჯანდაცვის მინისტრები,  პარლამენტის წევრები  ირაკლი კოვზანაძე, აკაკი ზოიძე, რომან გოცირიძე  და სებ-ის დამოუკიდებელი წევრი  ზურაბ ლალაზაშვილი წარმოადგენენ.

სააგენტოს ინფორმაციით,მსურველებს შორის ბევრი უცხოელია.  საბჭოს დაკომპლექტების შემდეგ  რისკის კომიტეტი შეივსება.

საპენსიო სქემაში 51 000 კომპანიიდან 770 000-ზე მეტი ბენეფიციარია ჩართული, 300 000 40 წელს გადაცილებულია, რომლებსაც  გასვლა, შესვლიდან, მე-4 მე-5 თვეს  შეუძლიათ. ასევე გადაფიქრება, თუ გასვლის შესახებ განაცხადი უკვე შეტანილი აქვს. სააგენტოს ცნობით, გადაწყვეტილების  გაუქმების ფაქტები მრავლადაა. სებ-ის სტატისტიკით, ფონდში სახელმწიფოს დარიცხული 78.9 მლნ-ია და ამავე მოცულობით კომპანიების თანხები. სისტემიდან გამოსული პენსიონერის დაკმაყოფილების ვადა 60 დღეა.