თბილისი (GBC) - მთავრობა თრუსოს დაცული ლანდშაფტის განვითარებაზე მუშაობს, პროექტის განხორციელებაზე 9,3 მლნ ლარი დაიხარჯება და მსოფლიო ბანკი (WB) დააფინანსებს.

მუნიციპალური განვითარების ფონდმა (MDF) თრუსოს დაცული ლანდშაფტის პროექტირებასა და საკონსულტაციო მომსახურებაზე ინტერესთა გამოხატვა გამოაცხადა. შეუძლიათ მონაწილეობა მიიღონ ინტერესთა გამოხატვაში არაუგვიანეს 24 მაისისა (15:00 სთ).

საკონსულტაციო მომსახურების სავარაუდო ღირებულება 700,000 დოლარია, განხორცილების ვადა 35 თვე. აღსანიშნავია, რომ საკონსულტაციო ფირმამ ასევე უნდა განავაითაროს (1) მასშტაბური კონცეფცია, რომელიც შესაბამისობაში იქნება დაცული ლანდშაფტის ობიექტების მართვასთან, (2) ასევე ფირმამ უნდა შეადგინოს ინვესტიციების ნუსხა  კლიენტების შესაძლო შერჩევისთვის, (3)მოამზადოს ინვესტიციების დეტალური ხარჯთაღრიცხვა და (4) გასწიოს საკონტრაქტო სამუშაოების ზედამხედველობა.

საკონსულტაციო მომსახურების მიზანია მომზადდეს ხედვა თრუსოს დაცული ლანდშაფტის განვითარების თვალსაზრისით და ასევე განისაზღვროს პრიორიტეტული ინვესტიციები ობიექტების განვითარების მხარდასაჭერად.

თრუსოს ხეობა არის კავკასიონის მთის ჩრდილოეთ ნაწილში მდებარე მდინარე თერგის ნაპირი, სტეფანწმინდის მუნიციპალიტეტში. ხეობა არის ისტორიული ტერიტორია და ღირებული კულტურული მემკვიდრეობა.