თბილისი (GBC) - ეროვნული ბანკი ბანკების გადახდისუუნარობის შემთხვევებისას  ე.წ რეზოლუციის ჩარჩოს შემოღებაზე მუშაობს.

მიუხედავად იმისა, რომ  ჯერ კანონპროექტის საბოლოო ვერსია უცნობია,  სარეიტინგო სააგენტო Fitch-მა მისი ამოქმედების გავლენა უკვე შეაფასა.

თუ ეს კანონმდებლობა ამოქმედდება სააგენტო   სამი  სისტემური  ბანკის თიბისის, საქართველოს ბანკსა და ლიბერთის რეიტინგებს გადახედავს და სახელმწიფო მხარდაჭერის რეიტინგს  არსებული 4 დონიდან 5-მდე დაწევს.

 „საკმაოდ სუბიექტურის ფორმულირებით იყო Fitch-ის შეფასება“, - მიიჩნევს ეროვნული ბანკის ვიცე-პრეზიდნტი. პაპუნა ლეჟავა  გადაცემა „ბიზნესპარტნიორთან“ განმარტავს, რომ ამ რეზოლუციით გაძლიერდება ინვესტორთა და დეპოზიტარების პოზიციები და ეს  არ იქნება რისკის შემცველი.

„ზუსტად არ ვიცი რას გულისხმობენ, თუმცა ვფიქრობთ, რომ შეიძლება გულისხმობდნენ შემდეგს - ზოგიერთ ქვეყანაში, განსაკუთრებით ევროპაში ამ რეზოლუციის ჩარჩო მოიცავს კრედიტორების მხრიდან სავალდებულო დანაკაგს, ვიდრე სახელმწიფო შევა ბანკის გადასარჩენად. ასეთი კრიტეტიუმი ჩვენს ჩარჩოში არ იდება.შესაბამისად, ამ კუთხით არსებული შიშები უსაფუძვლოა“ , - აღნიშნა პაპუნა ლეჟავამ.