თბილისი (GBC) - საქართველოს კაპიტალი ქარის ელექტროსადგურის მშენებლობას 2019 წლის მეორე ნახევარში დაიწყებს.  ქარის ენერგიიდან ელექტროენერგიის მიღების დაწყება კი, 2020 წლის მეორე ნახევარშია დაგეგმილი.

განახლებადი ენერგიის ბიზნესის მიმართულებით გეგმებზე „საქართველოს კაპიტალმა“ წლიური ანგარიშის წარდგენისას განაცხადა. კომპანიაში აღნიშნავენ, რომ გრძელდება მშენებლობა მესტიჭალაჰესზე, დაგეგმილი ბიუჯეტით და წლის პირველ ნახევარში ამუშავების პერსპექტივით. . კომპანია ვარაუდობს, რომ 2019 წელს,  დაახლოებით 12-15 მილიონის EBITDA - ს მიიღებს მესტიჭალაჰესიდან.

„საქართველოს კაპიტალის“ მენეჯმენტი ამ ეტაპზე მოლაპარაკებებს აწარმოებს საქართველოს მთავრობასთან, ურთიერთგაგების მემორანდუმის და კერძო-საჯარო შეთანხმებაზე და მის პირობებზე, რაც მოსალოდნელია რომ წლის პირველ ნახევარში დასრულდება.

წელსვე დაიწყება 46 მგვტ ზოტიჰესის მშენებლობა და 111 მგვტ ქარის პროექტების განვითარება.

საშუალოვადიან პერიოდში გაგრძელდება მუშაობა მიზნის - 500 მგვტ დადგმული სიმძლავრის განვითარებაზე.

“ჩვენ ვითვალისწინებთ მზარდ ელექტროენერგიის დეფიციტს და ვითვალისწინებთ სრული ბაზრის დერეგულირებისკენ გადადგმულ ნაბიჯებს, ხელსაყრელ მარეგულირებელ პირობებში”, - აცხადებენ საქართველოს კაპიტალში.