თბილისი (GBC) - კომპანია  Nut cultivation company-იმ (NCC) საქართველოში ნუშის ბაღების გაშენება დაიწყო.

ბრიტანული ინვესტიციით, სიღნაღის რაიონში, ნუშის ბაღი 20 ჰა-ზე უკვე გაშენდა. 2022 წლისთვის კი, ბაღი 350 ჰა ტერიტორიას დაიკავებს. საინვესტიციო პროექტის ჯამური ბიუჯეტი 5 მლნ ლარს აღემატება.

ინვესტორებს საკონსულტაციო მომსახურება კომპანია „აგრო სოლუშენსმა“ გაუწია, მათ შორის, დაეხმარა მიწის მოძიებასა და სანერგე მეურნეობებთან კომუნიკაციაშიც. მათი ჩართულობით მოხდა სარწყავი სისტემის კომპანიის შერჩევა და წვეთოვანი სარწყავი სისტემის დაგეგმარებაც.

ამჟამად, საკონსულტაციო კომპანია ზედამხედველობას უწევს NCC -ის ბაღის აგროტექნიკურ ღონისძიებებს და მცენარეთა დაცვის სამუშაოების შესრულებას. 

აღსანიშნავია, რომ საქართველოში ნუშის გაშენებას დიდი პოტენციალი აქვს, რადგანაც ქვეყანას მისი წარმოებისთვის შესაბამისი კლიმატურ-ნიადაგობრივი პირობები გააჩნია.

ნუშის ბაღები დაახლოებით 1200 ჰა ფართობზეა გაშენებული.