თბილისი (GBC) – ჩვენ იმ მომენტში ძლიერის პოზიციიდან ვერ ველაპარაკებოდით Ryanair -ს, - ეკონომიკისა და მდგრადი განვითარების მინისტრის მოადგილე წლების წინ Ryanair-თან ჩაშლილ მოლაპარაკებებზე განმარტებას აკეთებს.

აკაკი საღირაშვილმა ოპოზიციას განუცხადა, რომ იმ დროს, იმ პირობებით Ryanair  -თან კონტრაქტში შესვლა არამიზნობრივი იყო. 

საღირაშვილის თქმით, ირლანდიური ავიაკომპანია თითო მგზავრზე 75 ევროს სუბსიდიებას ითხოვდა, რაც არასწორი გადაწყვეტილება. 

ამ განმარტებებამდე ეკონომიკისა და მდგრადი განვითარების მინისტრი გიორგი ქობულიამ Ryanair-თან მოლაპარაკებების განახლებაზე  განაცხადა, საქართველოსთვის მომგებიანი პირობებით. ის დარწმუნებულია, რომ  საქართველოს ავიაბაზარზე ირლანდიური „ლოუკოსტერის“ Ryanair-ი შემოვა.

„ჩვენ ახლა მოლაპარაკება გაქვს რამდენიმე ავიაკომპანიასთან, მათ შორის Ryanair-თან, რომელიც აგრეთვე დაამატებს პირდაპირ მიმართულებებს. რაც მნიშვნელოვანია ტურიზმისათვის და ჩვენი ავიამიმოსვლისთვის“, აღნიშნა გიორგი ქობულიამ ავიაციის სექტორში დაგეგმილ სიახლეებზე საუბრისას.