თბილისი (GBC) – საქართველოში ნავთობისა და გაზის ძიებაზე კომპანია Schlumberger -ს  ძალიან პოზიტიური შედეგები აქვს, - ამის შესახებ პარლამენტში მისულმა ეკონომიკის მინისტრმა განაცხადა.

„ამერიკული Schlumberger აწარმოებს რამდენიმე ჭაბურღილის ბურღვას და ძალიან პოზიტიური შედეგებია მიღებული,  რამაც შესაძლოა მოგვცეს საშუალება ჩვენ, გარკვეული რაოდენობით,  საკუთარი გაზიც გვქონდეს“, -  განაცხადა ეკონომიკის მინისტმა.

გიორგი ქობულიას თქმით, ინტენსიურად აწარმოებეს სამუშაობს Exxon Mobil -იც, რაც წლის ბოლოსთვის დასრულდება. ამ შედეგებზე დაყრდნობით,  საქართველო გამოაცხადებს აუქციონს შავ ზღვაზე ნავთობის რესურსების ათვისებაზე.

Schlumberger Rustaveli Company   საქართველოში  გაზის მარაგების ძიებას 5 000 მეტრის სიღრმეში, დანალექ ქანებში ახორციელებს, რაც პირველი შემთხვევაა საქართველოში.

ამ დრომდე ნავთობისა და გაზის საძიებო სამუშაოები ე.წ შუა ეოცენის (3500 მ) მიდამოებში ხორციელდებოდა, სადაც, როგორც წესი არის ნავთობის მარაგები.

ქვედა ეოცენის სედიმენტებში კი, დიდია ალბათობა გაზის მარაგების აღმოჩენის.