თბილისი (GBC) -  ბიზნესმენი თამაზ სომხიშვილი წყნეთში უძრავი ქონების პორტფელს აფართოებს.

ერთ-ერთ უმდიდრეს ქართველად მიჩნეული სომხიშვილი წყნეთში, 2183.00 კვ.მ 2 მიწის მიწის ნაკვეთის მფლობელი გახდა.  ეს მიწის ნაკვეთები(ნაკვეთი N110/007 და ნაკვეთი N110/001)    ე.წ „სამთავრობო აგარაკეთში“, იმ ნაკვეთის  (ნაკვეთი 110/002) მიმდებარედ არის, სადაც ბიზნესმენი სასახლეს აშენებს.

უძრავი ქონების შეძენა ბიზნესმენს  548 000 ლარი დაუჯდება.

გასული წლის შემოდგომაზე მედია აქტიურად განიხილავდა სომხიშვილის ფეშენებელური ვილის  მშენებლობას. სასახლის  ფართობი 1 850 კვადრატული მეტრია  და მას კომპანია „ანაგი“ აშენებს.  

როგორც გაირკვა 8 226 კვ.მ. ტერიტორია თამაზ სომხიშვილმა სახელმწიფოსგან პირდაპირი მიყიდვის წესით  4.3 მლნ ლარად იყიდა.

სხვადასხვა წყაროს მიხედვით, თამაზ სომხიშვილის ქონება რამდენიმე ასეული მილიონი დოლარია.