თბილისი (GBC) - ჩვენ დაწყებული გვაქვს მუშაობა კანონმდებლობის გამკაცრებაზე და ბოლოდროინდელი უბედური შემთხვევების სტატისტიკა კიდევ ერთხელ გვიჩვენებს, რომ სწორი მიმართულება გვაქვს აღებული,“ - განაცხადა ეკონომიკისა და მდგრადი განვითარების მინისტრის მოადგილე ნათია თურნავამ.

მინისტრის მოადგილემ ყურადღება გაამახვილა რამდენიმე ძირითად მიმართულებაზე. მისი თქმით, „ რიგში, უნდა გამკაცრდეს ის მოთხოვნები, რომელთაც ჩვენ წავუყენებთ გაზის სადისტრიბუციო კომპანიებს. ამავდროულად, უნდა გამკაცრდეს ადმინისტრაციული პასუხისმგებლობა ე.წ. ურჩი მომხმარებლების მიმართ, ვინც  არ ემორჩილება სადისტრიბუციო კომპანიების ქმედებებს; ვინც თვითნებურად ჩართავს გაზს; დაამონტაჟებს უხარისხო მოწყობილობებს; ვინც არ დაუშვებს გაზის კომპანიების წარმომადგენლებს იმისთვის, რომ გადამოწმდეს რა მდგომარეობაშია გაზის მოწყობილობები და ამით საფრთხეს უქმნის საკუთარ თავსაც და მის გვერდით მცხოვრებ ადამიანებსაც.“

კიდევ ერთი მიმართულება, რომელზეც ნათია თურნავამ გაამახვილა ყურადღება, იმ კომპანიებისა და ფიზიკური პირების სერტიფიცირებაა, რომლებიც დაკავებულნი არიან გაზის მოწყობილობების სამონტაჟო სამუშაოებში.

„ჩვენ წარვმართავთ ძალიან აქტიურ მასირებულ საინფორმაციო კამპანიას, რომლითაც კიდევ ერთხელ გავმართავთ წესებს, როგორ უნდა დავიცვათ საკუთარი თავი და სწორად მოვიხმაროთ ბუნებრივი აირი, რათა, პირველ რიგში, მივიღოთ სიკეთე და არა საფრთხე,“ - განაცხადა ეკონომიკისა და მდგრადი განვითარების მინისტრის მოადგილემ.